Сајбер-криминалците користат трик за да ја оневозможат заштитата од фишинг што Apple ја изгради за да ги брани своите корисници.
За да ги заштити корисниците од напади, Apple iMessage автоматски ги оневозможува врските во пораките добиени од непознати испраќачи, без разлика дали се работи за адреса на е-пошта или нешто друго.
Сепак, Apple соопшти за BleepingComputer дека ако корисникот одговори на порака или го додаде испраќачот во списокот со контакти, врските ќе бидат овозможени.
Во текот на изминатите неколку месеци, има зголемен број на напади во кои хакери се обидуваат да ги измамат корисниците да одговорат на пораката за да се реовозможат врските.
Постојат два најчести типа на лажни пораки – првиот се однесува на наводна неуспешна испорака од пошта, додека вториот начин на измама е наводна неплатена патарина.
Доколку корисникот добие таква порака, дури и да не кликне на врската, самиот факт дека му одговорил на сајбер криминалецот или го додал во своите контакти, открива дека тој е мета која може да биде измамена.