Лукашенко помилува повеќе од 20 лица осудени за екстремизам

Белорускиот претседател Александар Лукашенко помилува 23 лица кои беа осудени за екстремистички злосторства, соопшти прес-службата на белорускиот лидер.

Во соопштението се наведува дека сите помилувани лица поднеле барања за помилување, ја признале вината и изразиле каење, пренесе ТАСС.

Меѓу помилуваните има три жени и 20 мажи, од кои 13 се постари од 50 години, 14 боледуваат од хронично заболување, а 12 имаат деца.

Белоруското Министерство за внатрешни работи ќе биде одговорно за следење на однесувањето на помилуваните во согласност со законот, се вели во соопштението.