Запалени 26 тони дрога во Авганистан

Полицијата во провинцијата Хелманд во јужен Авганистан во серија операции заплени повеќе од 26 тони нелегална дрога, а потоа јавно ги запали, соопштија денеска локалните власти.

Портпаролот на локалната полиција Езатула Хакани изјави дека запленетиот опиум, хашиш и нелегална опрема што се користат за производство на хероин биле откриени за време на операциите спроведени во областа Бахрамча.

Тој рече дека провинцијата Хелманд ќе биде „исчистена од дрога“. Привремената авганистанска влада, која го забрани одгледувањето афион, производството и трговијата со дрога, вети дека ќе се бори против оваа закана додека Авганистан не стане земја без дрога.