14
САД не ги сфаќаат сериозно предлозите за снабдување на Украина со нуклеарно оружје, изјави американскиот државен секретар Марко Рубио.
Неговата изјава доаѓа како одговор на сугестијата на украинскиот претседател Володимир Зеленски дека, доколку на Украина ѝ биде одбиено членството во НАТО, како безбедносна гаранција би можело да ѝ се даде нуклеарно оружје.
-Не мислам дека ова е реален предлог. Треба да има помалку, а не повеќе земји со нуклеарно оружје, изјави Рубио за американскиот портал Бреитбарт.
Според него, главното прашање е како да се постигне мир во Украина што нема да доведе до нов конфликт во следните неколку години.