Портпаролката на Белата Куќа, Керолин Левит, се обрати на забелешка на француски политичар кој побарал од САД да и ја вратат Статуата на слободата на Франција.
Францускиот пратеник Рафаел Глуксман, член на Прогресивната алијанса на социјалистите и демократите, вчера изјави дека Американците повеќе не го заслужуваат споменикот што Французите им го подарија за 100-годишнината од американската независност.
„Ние ќе им кажеме на Американците кои избраа да застанат на страната на тиранинот, на Американците кои отпуштија истражувачи поради барање научна слобода: „Вратете ни ја Статуата на слободата. Ви ја подаривме, но очигледно ја презирате“ изјави Глуксман.
Питер Дуси од „Фокс Њуз“ го интересираше што мисли Белата куќа за тоа. „Сега има член на Европскиот парламент од Франција кој мисли дека САД повеќе не ги претставуваат вредностите на Статуата на слободата“, праша тој.
„Апсолутно не. Мојот совет до тој неименуван француски политичар од ниско ниво би бил да ги потсети дека Французите во моментов не зборуваат германски само поради Соединетите Држави. Затоа треба да и бидат многу благодарни на нашата голема земја“, одговори Левит.