Најтенките телефони на Samsung – Galaxy S25 Edge – многумина со нетрпение го очекуваа откако компанијата го објави на Unpacked во јануари. Сè уште се чека неговото официјално претставување, а според гласините би требало да се случи на 16-ти април. Во меѓувреме, се појавија наводни официјални рендери кои го откриваат изгледот на уредот.
Фотографиите споделени од WinFuture, наводно, го покажуваат S25 Edge во три официјални бои – Titanium Jet Black, Titanium Icy Blue и Titanium Silver. Името на бојата сугерира дека рамката на телефонот ќе биде изработена од титаниум, исто како и S25 Ultra.
This is #SamsungGalaxyS25Edge
renders by Winfuture pic.twitter.com/1yqE2CyANN
— TechPP (@techpp) March 27, 2025
Потсетува на Galaxy S25+ Според прикажаните рендери, S25 Edge по изглед наликува на Galaxy S25+, но има само две задни камери. Според гласините, S25 Edge треба да има главна камера од 200 MP, исто како и Galaxy S25 Ultra, заедно со камера со ултра широк агол од 12 MP.
Телефонот се очекува да има 6,7-инчен Dynamic LTPO AMOLED дисплеј со FHD+ резолуција и стапка на освежување од 1 до 120 Hz, пренесe GSM Arena. Се очекува Galaxy S25 Edge да биде дебел само 5,84 мм и да има тежина од 162 грама – што го прави најтенкиот и најлесниот телефон Samsung во последните неколку години.
Official look at the Galaxy S25 Edge
Titanium Icy Blue, Titanium Silver and Titanium JetBlack colors
We also see the super thin symmetrical bezels which are even thinner than the ones on the S25+ and the new Dual Cameras pic.twitter.com/9G69lEJMaP
— Anthony (@TheGalox_) March 26, 2025
Уредот наводно ќе има Qualcomm Snapdragon 8 Elite за Galaxy чипсет, поврзан со 12GB RAM. Се очекува батерија од 3900 mAh, што би била најмалата батерија во серијата S25 – 100 mAh помалку од Galaxy S25. Наводно, жичното полнење ќе биде ограничено на брзина од 25 W.