Украинската моделка на „OnlyFans“, Марија Ковалчук, која беше пронајдена во Дубаи со повеќе повреди по мистериозниот пад, се разбуди од кома по тешка операција. Нејзината состојба е стабилна, но бара долготраен третман, објавија нејзините пријатели, а пренесува „Дејли Мејл“.
Tаа сè уште не може да зборува, но нејзиниот живот не е во опасност. На девојката ќе и треба многу време за понатамошно лекување. Според лекарите, Марија била подложена на неколку операции откако била пронајдена во критична состојба без пасош, но сега е стабилна.
„Ја чекаат уште две сложени операции“
Анџелина Дорошенко, пријателка на Марија Ковалчук, за руските медиуми изјавила дека состојбата на украинската манекенка е стабилна, но дека ја чекаат две посложени операции.
„Марија конечно се освести. Неодамнешната операција беше успешна, а сега ќе следат уште две“, изјави Дорошенко.
Во исто време, роднините на Марија не откриваат детали што точно се случило. Мајката на девојчето изјавила дека ќе даде официјални коментари дури откако ќе заврши истрагата.
Да потсетиме, 20-годишната украинска манекенка Марија Ковалчук исчезнала осум дена откако на пријателите им кажала дека е поканета на забава во хотелот на 9 март. Според неколку украински медиуми, таа требало да дојде на настанот „со двајца мажи кои се претставиле како претставници на модниот бизнис“.
Како што пишува „Дејли Мејл“, манекенката и рекла на мајка си Ана дека ќе преноќи со тие претставници, но подоцна исчезнала. Медиумите објавија дека манекенката можеби учествувала на забава „Порта Поти“, каде богатите мажи наводно им плаќаат на манекенките големи суми пари за да учествуваат во понижувачки и срамни дела. Меѓутоа, локалната полиција ги отфрли тврдењата.
На крајот девојката била пронајдена тешко повредена на патот во Дубаи. Таа била хоспитализирана и била во исклучително тешка состојба. Според полицијата во Дубаи, Марија се здобила со повреди откако сама влегла на „затворено градилиште и паднала од височина“. Од полицијата тврдат дека до тој заклучок дошле по „обемна истрага“.
И покрај тоа, семејството Ковалчук ја отфрла оваа верзија на настаните и смета дека таа не паднала на градилиштето.