Иако украинскиот претседател Володимир Зеленски сè уште директно не се огласи по најавата на Владимир Путин за привремено велигденско примирје на фронтот, тој објави преглед на ситуацијата во регионот Курск на социјалната мрежа „Х“. Зеленски соопшти дека украинските сили ги „држат своите позиции“. Во објавата тој напиша:
„Само што го добив извештајот на врховниот командант Олександр Сирски. Денес нашите сили продолжија да дејствуваат на територијата на Курската област и ги држат своите позиции. Во регионот Белгород нашите војници напредуваа и ја проширија зоната на контрола“, напиша тој и уште додаде:
„Во врска со уште еден обид на Путин да манипулира со човечки животи – во овој момент во дел од Украина се огласуваат воздушни сирени. Во 17:15 часот на нашето небо беа откриени руски нападни беспилотни летала. Украинската воздушна одбрана и воздушните сили веќе почнаа да дејствуваат за да не заштитат“, сподели Зеленски.
Велигденскиот прекин на огнот што го прогласи рускиот претседател стапи на сила во 17 часот. Централно европско време.
Ќе трае до полноќ во недела во понеделник, како што прецизираше рускиот претседател.
Да потсетиме, претседателот Владимир Путин се сретна со началникот на Генералштабот на руските вооружени сили Валериј Герасимов, кој го информираше за ситуацијата на демаркационата линија и регионот Курск.
Путин рече дека работите одат добро за руската војска и дека, врз основа на хуманитарни принципи, Русија прогласува прекин на огнот по повод големиот христијански празник Велигден.