Хомер Гир, син на холивудските актери Ричард Гир и Кри Лоуел, беше ѕвезда на гала вечерата во Њујорк минатата недела. Неговиот татко нагласи колку ужива во неговото друштво.
Иако неодамна ги напушти светлата на Холивуд и се пресели во Шпанија, од каде што е неговата сопруга, американскиот актер Ричард Гир (75) отпатува во Соединетите Држави на добротворна гала вечера.
Тој не се појави сам на вечерата, туку пристигна таму во друштво на своето семејство, сопругата Алехандра Силва Гир (42) и најстариот син Хомер, кои го украдоа вниманието на толпата на црвениот тепих, па дури и го засенија својот познат татко, пишува Глорија.
„Секогаш уживам во друштвото на мојот син. Без разлика дали шетаме во шумата или тука правиме нешто добро за други луѓе на кои им е потребна помош, секогаш сум среќен што го гледам и имам можност да поминувам време со него“, рече познатиот холивудски актер по повод оваа пригода.
Хомер Џејмс Џигме Гир е роден во 2000 година, а покрај неодоливиот шарм што очигледно го наследил од својот татко, може да се пофали и со престижно образование. Има диплома по когнитивна невронаука и визуелни уметности, која ја стекнал на престижниот приватен универзитет Браун, но, наводно, сака да ги следи стапките на својот татко.
Како што некогаш открија странските медиуми, планот на овој талентиран млад човек е еден ден да режира филмови.
Ричард го имал Хомер додека сè уште бил во брак со неговата поранешна сопруга Кери Лоуел, американска манекенка и актерка, која е најпозната по улогата на помошничка обвинителка од Њујорк во серијата „Закон и ред“, а била и девојка на Бонд во еден од филмовите за познатиот таен агент.