Украинскиот претседател Володимир Зеленски денес изјави дека Украина ќе биде подготвена да разговара за територијални прашања како дел од мировните преговори, но само откако Русија ќе се согласи на целосно и безусловно прекин на огнот.
„Целосно и безусловно примирје отвора можност за разговори за сè“, изјави Зеленски пред новинарите во Киев.
Тој ја коментираше и изјавата на американскиот претседател Доналд Трамп, кој во интервју за „Тајм“ изјави дека „Крим ќе остане со Русија“.
„Оно што го кажува претседателот Трамп е вистина. Се согласувам со него дека денес немаме доволно оружје за да ја вратиме контролата врз Кримскиот полуостров“, рече Зеленски.
Украинските власти претходно цврсто ја отфрлија можноста за какви било територијални отстапки во замена за мир со Русија.
Дали Русија и Украина влегуваат во директни преговори?
Во Москва денес се одржа средба меѓу рускиот претседател Владимир Путин и специјалниот пратеник на американскиот претседател Доналд Трамп, Стив Виткоф, која траеше три часа.
Помошникот на рускиот претседател, Јуриј Ушаков, изјави дека тема на разговор била можноста за продолжување на директните преговори меѓу Русија и Украина со цел постигнување договор за прекин на огнот, објави РИА Новости.
„Во врска со самата украинска криза, особено беше разговарано за можноста за продолжување на директните преговори меѓу претставниците на Руската Федерација и Украина“, рече Ушаков.