Одлуката на БфВ да ја прогласи АФД за екстремно десничарска организација им овозможува на властите поефикасно да ја следат партијата што го освои второто место на федералните избори во февруари.
Претседателот на Република Српска, Милорад Додик, ја осуди, како што изјави, намерата на германските власти да ги забранат активностите на крајнодесничарската партија во таа земја, Алтернатива за Германија (AfD), која Федералната служба за заштита на уставниот поредок (BfV) минатата недела ја означи како екстремистичка организација што „ја загрозува демократијата“.
„Политичкиот и судскиот прогон на АФД сведочи дека европскиот либерализам се трансформирал од промовирање на слободата во казнена експедиција насочена кон прогонување на политичките неистомисленици. Демократијата со која Европа беше горда значеше почитување на волјата и изборот на народот“, напиша Додик на својот профил на „X“.
Како што оцени тој, заштитата на бирократијата стана поважна од заштитата на националниот суверенитет.
„Денес сме сведоци на негирање и газење на народната волја со цел да се задоволат интересите на политичката номенклатура. Сите партии кои се залагаат за почитување на традиционалните христијански вредности и правото на луѓето на субјективност се прогонувани преку наместени судски процеси. Бирократијата неуморно ги брани своите привилегии, но длабоко верувам дека идеите за суверенитет и волјата на народот на крајот ќе преовладаат и дека АфД ќе продолжи со своите политички активности“, напиша Додик.
Одлуката на БфВ да ја прогласи АФД за екстремно десничарска организација им овозможува на властите поефикасно да ја следат партијата што го освои второто место на федералните избори во февруари.
Новиот статус на партијата им олеснува на властите да користат тајни методи за нејзино следење, како што се ангажирање доверливи информатори и пресретнување на комуникациите.
Лидерките на АФД, Алис Вајдел и Тино Крупала, рекоа дека одлуката е „јасно политички мотивирана“ и претставува „тежок удар врз германската демократија“.
Партијата освои 152 места во Бундестагот во февруари, со 20,8 проценти од гласовите, што ја прави АфД втора најголема политичка партија во Германија.