Во летните топли денови змиите бараат засолниште сè поблиску до домовите, во дворови, градини, па дури и на тераси. Бидејќи заканата расте со доаѓањето на потоплите месеци, важно е да знаете како да го заштитите вашиот дом, а еден од клучните чекори може да биде отстранувањето на мирисите што ги привлекуваат змиите, пишува „Бест лајф“.
1. Птичји измет и гнезда: Змиите често го следат мирисот на својот плен, а птиците и нивните јајца се честа цел. Мирисот на птичји измет или гнезда може да привлече разни видови змии. Дополнителен ризик претставуваат и хранилките за птици. Водата ги привлекува змиите што бараат влага, а истурените семиња од хранилките можат да привлечат глодари, примарен извор на храна за многу змии.
2. Измет од глодари: Мирисите поврзани со глодари, како што се глувци, стаорци или хрчаци, се особено привлечни за змиите. Дури и да нема живи глодари, нивната урина или измет можат да привлечат змии“
Решение: чистење на отпадоците, отстранување на изворите на храна и затворање на кантите за ѓубре за да се намали присуството на глодари а со тоа и на змии.
3. Мириси на водоземци и риби: Змиите се големи предатори. Оние што живеат близу вода често ловат жаби и риби. Полуводните видови се особено чувствителни на овие мириси. Ако имата езерца во близина, експертите во „Charlotte Backyard Ponds“ препорачуваат нанесување природни средства против змии.
Како да се намали ризикот?
Редовно чистете го дворот и отстранете ги потенцијалните извори на храна за змии (глодари, птици, водоземци). Погрижете се отпадот и храната да не бидат лесно достапни. Размислете за поставување природни средства за одбивање на змии околу вашата градина или езерце. Отстранете ги засолништата како што се дебели грмушки, камења или купови дрва.