Почнувајќи од следната година, Саудиска Арабија ќе го промени законот кога станува збор за консумирање алкохол во нивната земја, со што ќе се стави крај на 74-годишната забрана, која во еден момент беше казнива со јавно камшикување.
Имено, Саудиска Арабија ќе дозволи продажба и издавање алкохол во 600 туристички зони, што претставува историска промена во пристапот на ова кралство.
Политиката ќе дозволува алкохол исклучиво во туристички ориентирани објекти, како што се луксузни хотели, туристички одморалишта и лиценцирани претставници, сè со цел гостите што доаѓаат на Експо 2030, но првенствено на Светското првенство во 2034 година, да се чувствуваат што е можно поудобно.
Така, алкохолот наскоро ќе биде достапен за купување во Саудиска Арабија за прв пат од 1952 година, а забраната донесена таа година нема никаква врска со шеријатскиот закон, иако тоа е општоприфатено.
Имено, алкохолот бил целосно дозволен во Саудиска Арабија до 1952 година. Покрај тоа, дури и некои членови на кралското семејство пиеле, и токму тоа била причината за целосната забрана за алкохол.
Имено, на 16 ноември 1951 година, принцот Мишари, еден од 45-те синови на кралот Ибн Сауд, извршил убиство со умисла на домашна забава организирана од заменик-конзулот на Велика Британија, Кирил Оусман.
Тогашниот 19-годишен Мишари испил премногу, а кога Оусман одби да му наточи уште еден пијалок, саудискиот принц отишол кај своето обезбедување и зел пиштол, а потоа ладнокрвно го убил Оусман.
Наместо смртна казна, Мишари доби доживотен затвор, но беше ослободен по неколку години. Само неколку месеци по убиството на Осман, кралот Ибн Сауд одлучи да воведе целосна забрана за алкохол во Саудиска Арабија, која, со нова промена на законот, ќе важи до крајот на оваа година.