Српскиот претседател Александар Вучиќ денес го опиша неодамнешниот концерт на хрватскиот пејач Марко Перковиќ Томпсон како „најголемиот фашистички собир“, како што рече, од пред Втората светска војна.
„Дури ни за време на Втората светска војна не е одржан толку масовен собир, со директна промоција на фашистичката, усташка идеологија, како најлоша форма на нацистичка идеологија“, изјави Вучиќ.
Тој додаде дека Србија е навикната Европската комисија да не реагира на вакви настани, додека од друга страна, како што истакна, европските претставници посочуваат дека полицијата во Србија мора да се воздржи од прекумерна употреба на сила“.