Израелскиот министер за национална безбедност Итамар Бен-Гвир објави видео на кое може да се види како му се потсмева на палестинскиот затвореник Марван Баргути.
Во срамно видео објавено на социјалните мрежи во четврток, Бен-Гвир може да се види како влегува во ќелијата каде што е притворен Баргути и му се заканува.
„Нема да победите. Кој и да се задева со народот на Израел, кој и да ги убие нашите деца и жени – ние ќе ги уништиме. Треба да го знаете ова, ова се случувало низ историјата“, рече Бен-Гвир.
يواجه الأسير القائد مروان البرغوثي ظروفًا إنسانية بالغة القسوة في زنزانته الانفرادية، حيث فقد أكثر من نصف وزنه نتيجة الإهمال الطبي المتعمد وسوء المعاملة. وفي الوقت نفسه، يواصل وزير أمن الاحتلال المتطرف إيتمار بن غفير تهديده بشكل مباشر، في محاولة لكسر إرادته وصموده.
في الفيديو بن… pic.twitter.com/ZcpRmLgGgT
— المركز الفلسطيني للدفاع عن الاسرى (@PalPrisonersA) August 14, 2025
Ова беше првото видео од Баргути од затвор по повеќе од 10 години, а снимката го покажува видливо ослабен и изнемоштен. Неговото семејство вели дека е сместен во самица од 7 октомври 2023 година и дека бил брутално претепан неколку пати од страна на чуварите.
Покрај Бен Гвир за време на посетата е и шефот на Израелската затворска служба, Коби Јакоби, близок сојузник на министерот за национална безбедност, кој е обвинет за нелегално информирање на друг висок офицер дека е под истрага за прикривање на насилството на доселениците на Западниот Брег.
Баргути е во затвор од 2002 година и е осуден на пет доживотни казни плус 40 години за неговата улога во планирањето напади во кои загинаа пет цивили за време на Втората интифада.
Палестинската власт, исто така, реагираше на видеото, наведувајќи дека видеото претставува кулминација на психолошкиот, моралниот и физичкиот тероризам што Израел го применува врз затворениците.
„Ова претставува невидена ескалација на окупаторската политика против палестинските затвореници, што бара итна интервенција од страна на меѓународните организации и институции за да ги заштитат“, се вели во соопштението.