НЛБ Банка Скопје доби субординиран заем од 10 милиони евра од матичната банка во Љубљана

НЛБ Банка АД Скопје склучи нов договор за субординиран заем во висина од 10 милиони евра со Нова Љубљанска банка д.д., Љубљана, која е нејзин доминантен акционер. Согласно објавената ценовно чувствителна информација на Македонската берза, инструментот се квалификува како дополнителен капитал (Tier II capital), пишува „Бизнис инфо“.

Нова Љубљанска банка д.д., Љубљана поседува 86,97% од акциите на НЛБ Банка АД Скопје, што ја прави најголем поединечен акционер со значително влијание врз управувањето и стратешкото насочување на банката.