Економскиот институт Ифо со седиште во Минхен ја намали својата прогноза за економски раст на германската економија, која со години е во лоша состојба.
А економското закрепнување најавено за следната година, според експертите на Ифо, ќе биде поскромно од очекуваното.
За оваа година, Ифо смета на минимален раст на БДП од 0,2 проценти, што е за 0,1 процент помалку од очекуваното ова лето.
Бројот на невработени лица би можел да се зголеми за 155.000, а вкупната стапка на невработеност на 6,3 проценти. Економистите ја намалија својата прогноза за економски раст за 2026 година за 0,2 процентни поени, на 1,3 проценти.
Дали Германија ќе најде траен излез од економската криза што трае со години зависи првенствено од владејачката коалиција, велат економистите.
„Мерките на економската политика на владата пред сè треба да покажат резултати од следната година“, рече Тимо Волмерсхајзер, главен економски експерт во ИФО.
Доколку се спроведува доследно и убедливо, фискалната политика може да помогне во извлекувањето на германската економија од кризата, рече Волмерсхајзер.
Меѓутоа, доколку економската и политичката стагнација продолжат, се закануваат години економска парализа и ерозија на позицијата на Германија како производствена локација, соопшти институтот.