Украинскиот претседател Володимир Зеленски изјави дека е подготвен да се сретне со американскиот лидер Доналд Трамп и рускиот претседател Владимир Путин во трилатерален или билатерален формат без предуслови, но не во Москва.
Зеленски во интервју за Скај њуз нагласи дека е „подготвен да се сретне без никакви услови“.
Сепак, тој рече дека нема намера да патува во Москва на разговори, додавајќи дека е подготвен да разгледа предлози за средба во која било земја освен во Русија.
Зеленски, исто така, потврди дека Украина е подготвена за прекин на огнот.
„Се надевавме дека претседателот Трамп ќе преговара за прекин на огнот. Ние сме подготвени за прекин на огнот“, рече шефот на украинскиот режим.
Претходно, за време на посетата на Кина на почетокот на септември, Путин рече дека е подготвен да се сретне со Зеленски и дека го чека во Москва.
Сепак, американскиот претседател призна дека погрешил мислејќи дека ќе може брзо да ја заврши војната во Украина, и го наведе огромното непријателство меѓу Путин и Зеленски како главна причина за оваа погрешна проценка.