Еврото изгуби повеќе од 80 проценти од својата вредност мерена во злато од неговото воведување во 1999 година, изјави Бернхард Матес, менаџер на средства во Банката за Кирхе и Каритас еГ, во интервју за германскиот ФАЗ.
Според него, ова е последица на мерките на централните банки кои спроведуваат екстремно лабави монетарни политики, па парите вредат помалку, а еврото е најизложено.
На 4 јануари 1999 година, за едно евро можеше да се добијат 128 милиграми злато, додека денес само 23 милиграми. Сличен е примерот за доларот, додека швајцарскиот франк изгуби две третини од својата вредност.
Интересна е и споредбата со некои производи. Во 1906 година, на Октоберфест, една пинта пиво чинела 0,38 марки, или 0,14 грама злато, а на овогодинешниот фестивал на пивото во Минхен, чинела 11,50 евра за пиво, или 0,26 грама злато, што е речиси двојно повеќе од пред 113 години.