Платформата Х (порано Twitter) објави дека воведува нова функција „About this account“ што ќе прикажува информации за корисничките профили, вклучувајќи ја земјата во која се наоѓаат, бројот на промени на корисничкото име, датумот кога првпат пристапиле до платформата и како ја преземале апликацијата.
Целта на функцијата е да се намали бројот на неавтентични сметки и ботови на X кои се преправаат дека се луѓе, објави Tech Crunch.
На пример, ако корисникот изјави дека е од Соединетите Американски Држави, но информациите покажуваат дека сметката се наоѓа во друга земја, другите корисници имаат добра причина да се сомневаат во нивните вистински намери.
Директорот за производи на X, Никита Бир, го нарече глобалното воведување на оваа функција „важен прв чекор кон обезбедување на интегритетот на глобалниот пазар“.
Некои корисници веќе се пожалија дека нивната локација наведена од X е неточна, а Бир ги призна проблемите и изјави дека тие ќе бидат решени до вторник.