„Блекстоун“ планира инвестиција од 4 милијарди евра во германски центар за податоци

Алтернативниот инвестициски фонд „Блекстоун“ би можел да инвестира до 4 милијарди евра (4,65 милијарди долари) во центар за податоци во Липетал, Германија, објави „Ханделсблат“, повикувајќи се на неименувани извори.

Во декември, претседателот на „Блекстоун“, Џон Греј, изјави дека сè уште гледа добри можности за инвестирање во центри за податоци.

Тој истакна дека повратот на инвестициите останува ветувачки и покрај порастот на инвестициите во хардвер што го поддржува развојот на вештачката интелигенција.

„Изненадувачки, и покрај капиталот што се пресели во областа, таа (вештачката интелигенција) останува привлечно место за распоредување капитал“, рече Греј, според Ројтерс.