Бугарија ќе продолжи да стои покрај Украина и да ја поддржува нејзината независност, суверенитет и територијален интегритет во рамките на нејзините меѓународно признати граници.
Ова е наведено во ставот на Министерството за надворешни работи на Бугарија по повод четвртата година од почетокот на руската војна во Украина.
Министерството ја поддржува континуираната силна посветеност на Соединетите Американски Држави за постигнување решение за прекин на агресијата.
„На денот на оваа мрачна годишнина, цврсто веруваме дека 2026 година треба да биде годината во која оружјето ќе замолчи и ќе се воспостави мир кој е праведен, траен, веродостоен и компатибилен со меѓународното право и Повелбата на ООН; мир поддржан од сигурни безбедносни гаранции за Украина што би обесхрабриле каква било идна воена агресија во Европа и низ целиот свет“, се наведува во ставот на бугарското Министерство за надворешни работи.