Најмалку шест лица загинаа во пожар во автобус во центарот на швајцарскиот град Сет во вторник, а се сомнева дека пожарот го започнал еден од патниците кој се полеал со гориво и се самозапалил, соопшти денес локалната полиција.
Полицијата соопшти дека автобусот се запалил на пат во Керцерс, на околу 20 километри од швајцарскиот главен град Берн, објави денес Ројтерс.
Портпаролката на локалната полиција, Криста Билман, изјави дека се истражуваат извештаите дека едно лице се полеало со гориво и дека е прерано да се каже дали инцидентот е поврзан со тероризам.
Полицијата соопшти дека тројца од повредените лица се однесени во болница во критична состојба.
Вкупно пет лица се повредени во пожарот, од кои четворица биле патници во автобусот, а петтиот, болничар кој бил повреден за време на интервенцијата.
Швајцарскиот претседател Ги Пармелен изрази сочувство и рече дека инцидентот се истражува.
„Шокиран сум и тажен што луѓе повторно ги загубија животите во голем пожар во Швајцарија“, напиша Пармелен на платформата „X“.