Полскиот премиер Доналд Туск изјави дека владата планира да ja одобри резолуција што ќе овозможи користење на дел од програмата на Европската Унија за финансирање на одбраната „SAF“, и покрај ветото на претседателот на законот со кој се воспостави механизмот за распределба на парите.
„Неизбежна е седница на Владата, за време на која ќе ја усвоиме резолуција врз основа на која ќе ја финализираме програмата Полски вооружени соништа“, им порача Туск на министрите, пишува Ројтерс.
Полскиот претседател Карол Навроцки вчера изјави дека нема да потпише закон што ќе овозможи користење на 43,7 милијарди евра кредити од Европската Унија за зајакнување на армијата.
Програмата „Security Action for Europe” (SAFE), вредна околу 150 милијарди евра, е финансирана од капацитетот за задолжување на Европската Унија, што значи дека на крајот го гарантира буџетот на Унијата.
Програмата SAFE е дизајнирана да помогне во развојот на одбранбените капацитети коишто најмногу ѝ се потребни на Европа, вклучувајќи беспилотни летала, сајбер одбрана, ракети и европски воздушен штит, бидејќи Унијата се стреми да изгради воен потенцијал доволно силен за да ја одврати Русија, објавува Танјуг.