Премиерот на Белгија: Нормализацијата со Русија е можна само со мир во Украина

Белгискиот премиер Барт де Вевер денес изјави дека нормализацијата на односите со Русија би била можна само со мир во Украина.

Де Вевер претходно во интервјуа се залагаше за обновување на европските односи со Москва со цел да се врати пристапот до евтина руска енергија, што беше во спротивност со официјалната политика на ЕУ за одржување цврст став кон Москва поради нејзиниот напад врз Украина и постепеното елиминирање на руските фосилни горива, објави Ројтерс.

Белгискиот премиер појасни пред состанокот на лидерите на ЕУ дека нормализацијата може да се случи само кога ќе се постигне траен и одржлив мир во Украина, додавајќи дека Белгија продолжува да врши притисок врз Русија и да ја поддржува Украина.