Кошмар за економијата на Русија се нарекува 30 долари за барел нафта. Ако цените на црното злато паднат дотаму, ова може да го разниша сериозно финансискиот систем на земјата. Тоа го сметаат 63% од испитаниците во анкетата на агенција Bloomberg.
Ниските цени на нафтата се следниот голем ризик за руската економија.За момент, за успокојување на Кремљ, цената на нафтата на меѓународните пазари се задржува околу 45 долари за барел. Според прогнози на Goldman Sachs сепак постои веројатност таа да достигне 20 долари. “Ако цената на нафтата падне пониско или останат долго на ова ниво, ризикот за фискална и финансиска дестабилизација се зголемува значително”, вели Сергеј Наркевич, аналитичар кон PAO Promsvyazbank во Москва.
Според Андреас Шваб, економист кон Raiffeisen Bank International во Виена, понатамошен пад на цените на нафтата ќе претставува “клучен ризик за руската економија”. Според него “од овој ризик произлегува опасност за уште послаба рубља, нови бранови на висока инфлација и буџетски проблеми”. Друг економист – Волф-Фабијан Хунгерланд, кој работи во Berenberg Bank во германскиот град Хамбург, е категоричен: само соборувањето на санкциите против Русија можат да ја вратат економијата кон раст. Земјата се научи во изминатата година да управува со економијата при цени на нафтата од 40 долари за барел, но 30 долари можат да провоцираат влошување што не е најневеројатното сценарио, коментира во ноември заменик-министерот за финансии на земјата Максим Орешкин.