Во арапскот емират Дубаи, кој постојано се стреми кон нови рекорди, денеска беше отворен највисокиот хотел во светот, кој се издига на 356 метри. Ова го соопшти Франс Прес, цитирајќи ја објавата на Твитер на владината канцеларија за информации.
„Gevora Hotel“ на пространата авенијата „Шеик Зајед“ го скрши само со еден метар рекордот на соседниот 355-метарски хотел од синџирот „Marriott“, кој на времето ги надмина рекордните 333 метри на друг хотел во соседството – „Rose Rayhaan“ од синџирот „Rotana“.
„Gevora“ е поставен во облакодер со златна боја од 75 ката. Според „The National“ тој располага со четири ресторани, базен, луксузен спа и спортска сала. Неговите први клиенти се очекува да пристигнат уште утре.
Во Дубаи веќе се наоѓа највисокиот облакодер во светот „Burj Khalifa“, кој се издига на 828 метри. Емиратот се впушти и во изградбата на уште повисока зграда, чии димензии засега се чуваат во тајност.
Градот- држава е една од главните туристички дестинации во Заливот. Во 2017 година тој пречека рекордни 15,8 посетители, или 6,2 отсто помалку во споредба со претходната година.