Пред неколку дена шефот на Aston Martin, Енди Палмер објави на Twitter многу важна порака за иднината на неговата компанија: таа го одбележа првиот пат кога електричниот прототип Rapide Е се движи со сопствена моќ.
Ова е првиот електричен автомобил на славната компанија која има за задача да понуди модерен и моќен изглед на сегашниот V12 модел Rapide S. Тоа ќе се случи благодарение на исклучителната конфигурација од два електрични мотори кои обезбедуваат еквивалент на 602 коњски сили и максимална брзина од 250 км / ч. Батеријата од 800 волти исто така е импресивна и поддржува технологија за брзо полнење.
Во краткото видео, кое Палмер го сподели, се покажува реален автомобил на службен паркинг. Сигурно на многумина ќе им недостига моќниот бензински V12 мотор, но барем концептот веќе доби реална завршница, и не отана само на хартија.
Aston Martin Rapide E треба да биде достапен во последниот квартал од 2019 година, па наскоро можеме да очекуваме повеќе детали.
A moment of @astonmartin history. First Validation Prototype Aston Martin RapideE moves under its own power for the very first time with its breakthrough 800v battery. Great work from the development team which includes Williams Engineering. pic.twitter.com/b2mRaeCsNP
— Andy Palmer (@AndyatAston) January 21, 2019