На кејот на реката Вардар, во непосредна близина на „Алпинистичката карпа“, е поставено првото „соларно дрво“ во Карпош. Станува збор за инсталација преку која, со обновлива енергија, граѓаните ќе можат да ги полнат своите електронски апарти, односно своите мобилни телефони, лаптопи, таблети и електрични тротинети.
Оваа инвестија Општина Карпош ја овозможи преку Германското здружение за меѓународна соработка (GIZ). Како што нагласи раководителот на Одделението за енергетска ефикасност Љупчо Димов, ова е прво поставено „сончево дрво“ на територијата на нашата земја. Во иднина, се планира и поставување на бесплатна интернет мрежа на оваа локација.
Во рамки на проектот финансиран од Германското здружение, локалната самоуправа се стекна и со шест електрични тротинети, кои ќе бидат користени од општинската администрација како превозни средства за тековните потреби.