Украинските сили го прекршуваат меѓународното право и ги загрозуваат цивилите со поставување бази во станбени области вклучувајќи училишта и болници, соопшти денеска организацијата за човекови права Амнести интернешнал.
„Тактиката на украинските бранители на ниту еден начин не ги оправдува неселективните напади на Русија, со фактот дека некои руски воени злосторства, вклучително и оние во Харков, не беа поврзани со овие тактики“, се наведува во извештајот на организацијата, цитиран од Гардијан.
Амнести ги наведе инцидентите во кои украинските сили им се заканувале на цивилите во 19 градови и села во регионите Харков, Донбас и Миколаев.
„Документиравме шема на украински сили кои ги ставаат цивилите во ризик и ги кршат законите за војна со тоа што дејствуваат во населени области. Дејствувањето во одбранбена позиција не ја ослободува украинската армија од почитување на меѓународното хуманитарно право“, рече генералниот секретар на организацијата Агнес Каламар.