Правен аналитичар на Си-Ен-Ен изјави денеска дека е многу можно федералната влада да поднесе обвинение против Хантер Бајден, синот на американскиот претседател Џозеф Бајден, по истрагата за неговиот бизнис во странство, објави „Хил“.
„Ова е многу реално, тоа е сеопфатна истрага за потенцијално сериозни злосторства. Гледаме дека федералните обвинители во Делавер го прават токму она што би очекувале обвинителите да го направат во таква ситуација“, рече Ели Хониг. Хониг рече дека истрагата за дејностите на Хантер се чини дека „се вжештува“.
Историјата на Бајден за употреба на недозволени супстанци и врските со меѓународните работи веќе извесно време е предмет на критики од републиканците против неговиот татко, се додава во текстот на „Хил“.
Поранешниот претседател Доналд Трамп често го напаѓаше Џозеф Бајден за борбата на неговиот син со зависноста и, како што рече, корумпираниот бизнис во странство, за време на изборната кампања во 2020 година.
Првиот обид за импичмент на Трамп произлезе од разговорите со претседателот на Украина, за време на кои Трамп изврши притисок врз украинскиот лидер да му помогне да ја ископа нечистотијата на Хантер Бајден, кој работеше во Украина со корумпирана компанија за нафта и гас, додава Хил.
Во вторникот, Трамп отиде чекор понатаму во својот напад врз Бајден, барајќи од рускиот претседател Владимир Путин да ги објави сите информации што руската влада би можела да ги има за Хантер Бајден.
„Зошто сопругата на градоначалникот на Москва му даде на Бајдени и на двајцата по 3,5 милиони долари? Тоа се многу пари. Би сакал Путин да го знае одговорот на тоа прашање. Тој треба да се изјасни“, рече Трамп.
„Хил“ потсетува дека „Вашингтон пост“ оваа недела објави извештај, кој ги потврдува деталите за бизнисот на Хатер во Кина.
Според некои наводи, Министерството за правда продолжува да ги истражува наводните незаконски обвиненија за лобирање консултантски фирми поврзани со украинската енергетска компанија Бурисма, во која Хантер беше член на одборот.
„Постои реални шанси сето ова да резултира со федерално обвинение“, додаде Хониг.