Српскиот претседател Александар Вучиќ, според последните информации, полетал од Баку откако неговиот авион бил запрен претходно поради немање дозвола за продолжување на летот кон Москва.
Вучиќ e на пат кон Москва за да присуствува на прославата на Денот на победата, но авионот со кој патувал бил задржан во Баку бидејќи немал дозвола да го продолжи патувањето поради војната меѓу Русија и Украина. Медиумите во Србија наведуваат дека сите земји претходно дале дозвола за летот, но дека, поради новонастанатата ситуација, тие биле повлечени.
Вучиќ денес отпатува за Москва, каде што треба да присуствува на Парадата на победата на Црвениот плоштад. Како што е потврдено за „Блиц“, претседателот на Србија во петок треба да одржи билатерална средба со рускиот претседател Владимир Путин, што беше најавено и од Кремљ.
Вчера, Латвија и Литванија го забранија прелетувањето на авионот што Вучиќ го користи за патување до Москва, па засега не е познато кој воздушен коридор ќе го користи за да стигне до руската престолнина.
На 9 мај, Русија ја одбележува 80-годишнината од победата над фашизмот во Втората светска војна со традиционална парада на Црвениот плоштад, на која ќе присуствуваат повеќе од 20 светски лидери.