Убер се согласи да плати 271,8 милиони австралиски долари или 178,3 милиони американски долари како компромис по тужбата во Австралија, соопшти денеска адвокатската канцеларија што ги застапува австралиските такси компании и нивните возачи.
Адвокатската фирма Морис Блекбурн поднесе колективна тужба во име на повеќе од 8.000 такси компании и таксисти. Во тужбата, тие тврдеа дека изгубиле приход кога гигантот Убер возел.
„Убер се бореше со заби и нокти во секој дел од процесот“, велат од адвокатската канцеларија.
Што велат од Убер?
„Од 2018 година, Убер има значајни придонеси во различни програми за компензација на такси ширум државата, а со денешното предложено решение, ги ставивме овие прашања во минатото“, се вели во соопштението за печатот на Uber.
Притоа Убер не го откри износот на предложената спогодба.
„Би било несоодветно да се коментираат спецификации додека договорот не биде финализиран и спогодбата не се потврди на суд“, објави Убер.
Групната тужба против Убер беше поднесена во 2019 година во Врховниот суд на австралиската држава Викторија.
„Во овој случај успеавме таму каде што многу други не успеаја. Случаи беа покренати против владите во Викторија, Квинсленд и Западна Австралија и сите тие пропаднаа“, рече главниот адвокат на Морис Блекбурн, Мајкл Донели.
„Тие не бараа извинување, туку резултат“
„Она што го бараа членовите на нашата група не беше уште едно во низата извинување, туку резултат. Денеска им го доставивме“, додаде тој.
Пред да се изврши било каква исплата, судот сепак мора да ја одобри предложената спогодба дека е во најдобар интерес на членовите на групата.
Убер е со седиште во Сан Франциско, основана е во 2009 година и работи во околу 70 земји и повеќе од 10.000 градови низ светот. Со текот на годините, тој се соочуваше со протести од таксистите во градовите ширум светот.