Австрискиот канцелар: Зеленски ми кажа дека не знае колку долго ќе остане жив

Австрискиот канцелар Карл Нехамер денеска им изјави на новинарите дека се слушнал со украинскиот претседател Володимир Зеленски.

„Украинскиот претседател го започна разговорот со зборови дека се јавува од земја која не знае колку ќе издржи и дали ќе постои и дека се јавува како претседател кој не знае колку ќе остане жив“, рече Нехамер.

Тој додаде дека Зеленски „се молел за помош на Европа и светот“ и дека „се плаши за опстанокот на својата земја“.

Австрија поддржува строги санкции против Русија, нагласи Нехамер.