11
Германската министерка за надворешни работи Аналена Бербок изјави дека Германија е подготвена да го поздрави вториот мандат на американскиот претседател Доналд Трамп, пишува ДПА.
„Како Европејци, а со тоа и како Германци, стекнавме искуство со првиот мандат на Трамп“, рече Бербок за подкастот на „Политико“.
„Во изминатите години, вклучително и за време на мојот мандат, интензивно работевме за да заземеме европска стратешка позиција“, додаде таа.
Коментирајќи ги изјавите на Трамп за територијални претензии кон Гренланд, Канада и Панамскиот канал, Бербок ги повика европските земји самоуверено да застанат во одбрана на нивните интереси и меѓународниот поредок.
Трамп полага заклетва во понеделник и го започнува својот втор мандат во Белата куќа.