232
САД немаат намера да воведат санкции против Русија „до последен момент” за да не го изгубат ефектот на одвраќање. Ова денеска го изјави американскиот државен секретар Ентони Блинкен, коментирајќи го повикот на украинскиот претседател Володимир Зеленски да се воведат веднаш санкции против Москва.
– Целта на санкциите е првенствено да ја одвратат Русија од започнување војна. Веднаш штом ќе ги наметнете, овој ефект ќе исчезне. Ние имаме намера да го задржиме овој одвраќачки ефект до последен момент, истакна Блинкен за Си-Ен-Ен.