Блинкен во Израел: Одамна блокираната визија за мир е „единствениот пат“ напред

Американскиот државен секретар Ентони Блинкен денес во Тел Авив ги повика Израел и Палестинците да ги смират тензиите и повтори дека одамна блокираната визија за мир е „единствениот пат“ напред.

„Одговорност на сите е да преземе чекори за смирување на тензиите, а не да ги разгорува“, им рече Блинкен на новинарите, според Ројтерс.

Вашингтон и понатаму цврсто верува во преговараното „решение со две држави како единствен пат кон трајно решение на конфликтот“, рече Блинкен во претходните изјави во Каиро.