За BMW M, 2024 година беше најдобрата година досега, покажуваат новите бројки.
Серијата М стана клучна компонента во успехот на BMW, со 9,4 проценти од сите продадени модели на марката во последните 12 месеци.
Минатата година серијата М го имаше својот најдобар резултат во историјата, бидејќи забележаа 206.582 регистрации, што е зголемување од 2 отсто во однос на претходната, односно 2023 година.
Најпопуларниот автомобил во овој импресивен резултат беше – електричен. Станува збор за i4 M50, купе со пет врати опремено со погон со двомотор од 537 КС кој достигнува 100 km/h за 3,7 секунди.
Добрата вест за тврдокорните обожаватели на М е дека „вистинските“ M автомобили на марката забележаа огромен раст, што гарантира дека ќе бидат со нас уште некое време. Велиме „вистински“ затоа што самото BMW прави разлика помеѓу M (перформансни) модели како M340i, X7 M60i и i4 M50i, и она што го нарекува „со високи перформанси“ M модели како M2, M3 и M5.
Така, M2, на кој несомнено му помогна неодамнешното зголемување на моќноста од 453 КС на 473 КС, забележа раст на продажбата од 64 отсто, додека регистрациите на M3 Touring пораснаа за 57 отсто. Севкупно, продажбата на овие автомобили се зголеми за 8 проценти на 66.805, а 2025 година изгледа дека ќе биде уште подобра за нив.