Борел: Пристапувањето на Украина во ЕУ не е можно преку ноќ

Влезот на Украина во Европската унија би бил политички чин, но тоа не може да се направи преку ноќ, изјави шефот на европската дипломатија, Жосеп Борел.

„Советот на земјите-членки на ЕУ треба да одлучи. Тоа би бил политички чин, бидејќи пристапувањето во ЕУ е процес кој отсекогаш бил долг и тежок. Треба да се даде јасен сигнал дека Европа ја прифаќа Украина како дел од европското семејство. Официјален прием не е можен преку ноќ, но мора да се дадат политички пораки, а Советот на Европа мора да го стори тоа“ рече Борел.