Судија на Врховниот суд во Бразил покрена истрага против Илон Маск, откако американскиот милијардер најави дека повторно ќе ги активира корисничките сметки на платформата „Х“, за кои судот претходно нареди блокирање.
Сопственикот на „X“ ја оспори одлуката на судијата Александар де Мораес за блокирањето и најави дека ќе ги укине сите ограничувања бидејќи вели дека тие се неуставни, притоа повикувајќи го Мораеш да поднесе оставка.
Во објавата на платформата во саботата вечерта, Маск го обвини Мораеш дека „дрско и повеќе пати“ ги предал уставот и народот на Бразил.
“Овој судија изрече огромни казни, се закани дека ќе ги уапси нашите вработени и ќе го прекине пристапот до Х во Бразил. Како резултат на тоа, веројатно ќе ги изгубиме сите приходи во Бразил и ќе мора да ја затвориме канцеларијата таму. Но, принципите се поважни од профитот”, напиша Маск и вети дека правно ќе ја оспори оваа одлука.
Мораес во неделата одговори така што ја прошири истрагата за лажни вести на социјалните мрежи и на Маск, а исто така отвори истрага против милијардерот за „попречување на правдата“.
„Ако X не ја исполни наредбата за блокирање на одредени сметки, компанијата ќе биде казнета со 100.000 реали (19.740 долари) дневно“, се вели во соопштението на судијата.
Левичарската влада на претседателот Луис Инасио Лула да Силва изрази поддршка за Мораеш, а јавниот обвинител Хорхе Месијас го критикуваше Маск и повика на регулирање на социјалните мрежи за да се спречи странските платформи да ги прекршуваат бразилските закони.
„Не можеме да живееме во општество каде милијардерите кои живеат во странство имаат контрола врз социјалните мрежи и се ставаат во позиција да го прекршат владеењето на правото, да не ги почитуваат судските наредби и да им се закануваат на нашите власти“, рече Месијас во објавата на X.
Минатата година Мораеш нареди истрага и против директорите на платформата за социјални пораки Telegram and Alphabet (GOOGL.O).
Мораеш истражува „дигитални милиции“ обвинети за ширење лажни вести и пораки на омраза за време на владата на поранешниот екстремно десничарски претседател Жаир Болсонаро, а исто така ја води истрагата за наводниот обид за државен удар на Болсонаро, пренесува Танјуг.