Британската полиција уапсила 4 лица, влегле во имотот на премиерот

Британската полиција соопшти дека вчера уапсила четири лица кои влегле во имотот на премиерот Риши Сунак на северот на Англија, инцидентот што се случи за време на изборната кампања за парламентарните избори закажани за 4 јули.

„Во текот на денот уапсивме четири лица кои влегле на имотот на премиерот во Северен Јоркшир, се вели во соопштението на локалната полиција.

Полицијата брзо реагирала, односно веднаш штом лицата влегле на имотот.

Приведени се луѓе на возраст од 20 до 52 години од различни градови во државата, кои „се уште се во притвор, а истрагата е во тек“, прецизира полицијата.