Бројот на млади кои се коцкаат во Холандија се зголеми на 300.000 откако земјата го легализира онлајн коцкањето

Бројот на млади луѓе кои се коцкаат се зголеми на речиси 300.000 во Холандија откако земјата го легализираше онлајн коцкањето во 2021 година, соопшти Холандската управа за игри на среќа.

Бројот на активни онлајн сметки за коцкање регистрирани на млади на возраст од 18 до 24 години оттогаш се зголеми за 340 отсто на речиси 300.000, се вели во соопштението.

Една четвртина од активните онлајн сметки за коцкање припаѓаат на возрасната група од 18 до 24 години, што сочинува помалку од 10 отсто од возрасната популација во Холандија, објави „НЛ Тајмс“.

Како што беше посочено, младите често имаат сметки на повеќе веб страници за коцкање.