Српскиот министер за внатрешни работи Ивица Дачиќ соопшти дека девет лица се евакуирани во судир на патнички и товарен воз.
„Веднаш по добиена пријава дека во тунелот меѓу споменикот на Вук Караџиќ и мостот Панчевац дошло до судир на патнички и товарен воз, на лице место пристигнале силни полициски сили, како и 25 пожарникари-спасувачи со 7 возила бидејќи дека екипите на итната помош не можеле да се приближат до местото на судирот“, изјави Дачиќ.
Министерот рече дека пожарникарите-спасувачи успеале да дојдат до луѓето и евакуирале 9 повредени лица и им ги предале на екипите на Брзата помош за понатамошно лекување.
Припадниците на МВР се уште се на терен и ги преземаат сите мерки и дејствија од нивна надлежност“, изјави министерот за внатрешни работи Ивица Дачиќ.
Во судирот повредени се вкупно осум лица. Кондуктерката и машиновозачот, кому му била скршена раката се тешко повредени, а шест патници се здобиле со полесни повреди и почнале да го напуштаат тунелот каде дошло до судирот.