Светска банка (СБ) денеска ќе го претстави редовниот економски извештај за земјите од Западен Балкан. Извештајот се однесува на неодамнешните економски случувања во Албанија, Босна и Херцеговина (БиХ), Црна Гора, Косово, Северна Македонија и Србија.
Извештајот во Подгорица ќе го презентираат оперативниот офицер на СБ, Денис Месиховиќ и економистот на СБ за Црна Гора, Милан Лакиќевиќ.
На последната презентација, во април годинава, беше констатирано дека Црна Гора во текот на 2023 година забележала најголем економски раст во регионот, потсетија дека е намален јавниот долг, дека е намален дефицитот на тековната сметка, стапката на вработеност го достигна својот максимум досега и постигнат е значителен напредок кон зелената транзиција, беше истакнато при презентацијата на редовниот економски извештај на Светска банка за Западен Балкан.
– Економскиот раст на Црна Гора по пандемијата беше просечно 8,5 отсто во периодот 2021-2023 година, додека годинава се очекува раст од 3,4 отсто, соопштија тогаш претставници на Светска банка.
Во однос на Западен Балкан, додаваат дека тој помина низ низа шокови во последните години, но дека благиот оптимизам го влева новиот план за раст на Европската унија.