Орбитерот на Марс на НАСА сними снимки од необични, џиновски „гравчиња“ на Црвената планета. Ова се песочни дини заробени во мраз до пролет, а овие фотографии би можеле да помогнат да се испита дали има доволно вода на Марс за да се формира и да се одржи живот.
– Овие марсовски дини на северната хемисфера беа снимени од извидувачкиот орбитер на Марс со помош на камерата HiRISE на 8 септември 2022 година, се вели во соопштението на НАСА, додавајќи:
– Научниците користат слики како оваа за да го следат количеството мраз што се акумулира на површината, а потоа исчезнува кога ќе се стопи во пролет.
Марсовите дини се движат на ист начин како оние на Земјата, при што ветерот дува песок од едната на другата страна и потоа го натрупува. Најновото истражување покажа дека зимскиот мраз го запира движењето на песочните дини и ги заробува до пролет, се вели во соопштението на НАСА.
Фотографиите од замрзнатите дини им помагаат на научниците подобро да разберат дали некогаш постоела вода на Марс во количества потребни за развој на живот, пишува „LiveScience“.