Додик отпуштен од болница: Борбата за здравје е најтешка, благодарен сум за поддршката

Лидерот на босанските Срби, Милорад Додик е отпуштен од болница во Белград по операција на хранопроводникот.

„Стигнав дома во моето село. Им благодарам на медицинскиот тим и болничкиот персонал за професионалниот однос и грижата што ја покажаа. Борбата за здравје е посебна и лично најтешка, затоа благодарам на сите што ме поддржаа. Имам период рехабилитација и закрепнување пред мене“, напиша Додик на платформата Х.

На Додик му беше извршена операција на хранопроводот, откако беше хоспитализиран поради акутни болки на почетокот на неделата. По операцијата него го посети српскиот претседател Александар Вучиќ.