Раководството на Република Српска на денешната средба во Палатата на Републиката донесе заклучок за формирање на гранични полициски сили во согласност со Дејтонскиот мировен договор и неговиот Анекс 2, соопшти претседателот на Република Српска, Милорад Додик.
Формирана е и работна група, која денеска го одржа првиот состанок за изготвување закони со кои ќе се регулира работата на граничната полиција на територијата на Република Српска. Правната рамка на која работи работната група ќе биде исклучиво во согласност со Дејтонскиот договор и неговиот Анекс 2“, рече Додик во објавата на платформата „Х“.
Тој потсети дека во периодот од 1996 до 2000 година границата на Република Српска била контролирана од полицијата на Република Српска и дека спротивно на Дејтонскиот договор и Уставот на БиХ, на 13 јануари 2000 година високиот претставник Волфганг Петрич наметнал т.н. „државна“ гранична служба на БиХ.