Анџелина Џоли ги сврте на себе погледите на неодамнешната премиера на мјузиклот The Outsiders на Бродвеј, чиј продуцент е и таа. Нејзините фотографии од овој настан се проширија на социјалните мрежи, а фановите ја опсипуваа со коментари и напишаа дека е „најубавата жена на светот“ и дека изгледа „помладо и помладо“.
Британскиот пластичен хирург Џони Бетериџ, кој често ги анализира лицата на познатите на социјалните мрежи, во видео на Инстаграм ја коментираше безвременската убавина на 48-годишната актерка.
„Анџелина има неверојатно убави црти на лицето“, истакна тој.
Тој ги споредил нејзините стари и нови фотографии и заклучил дека се видливи траги од козметички зафати. Тој верува дека младешкиот изглед на Анџелина се должи на операцијата наречена deep plane facelift (длабинска интервенција за затегање на лицето) која дава природен изглед. Имено, се работи за хируршка процедура која се користи за подмладување на лицето и вратот.
Џони претходно го анализираше лицето на Бред Пит откако луѓето на социјалните мрежи напишаа дека не им се верува колку добро изгледа актерот на 60 години.