Донаторите му ветија повеќе од осум милијарди долари на Пакистан за закрепнување од поплавите

Пакистан денес објави дека донаторите ветиле дека ќе обезбедат повеќе од осум милијарди долари за закрепнување на земјата од минатогодишните разорни поплави, кои се сметаат за резултат на климатски катастрофи.

Официјални лица од околу 40 земји, како и приватни донатори и меѓународни финансиски институции, се подготвуваат за состанок во Женева, бидејќи Исламабад бара помош за покривање на половина од 16,3 милијарди долари потребни за закрепнување, објави Ројтерс.

Водите сè уште се повлекуваат по монсунските дождови и топењето на глечерите, кога загинаа најмалку 1.700 луѓе и раселени околу осум милиони.