Државното обвинителство на округот Сплит поднесе обвинение против 45-годишен државјанин на Косово, кој е обвинет за силување на Британка на 9 јули 2022 година, пишува Далматински портал.
Во обвинението се наведува дека обвинетиот знаел дека Британката била под дејство на поголема количина алкохол и дека не можела да донесе одлука за стапување во сексуални односи и физички да му се спротивстави, пренесе Индекс.
Пријавениот ја извлекол жртвата од ноќен клуб во центарот на Сплит и ја силувал во влезот на блиската зграда.
Жртвата била сослушана во Велика Британија, а сослушани биле и сплиќани кои забележале дека странските гости се вознемирени бидејќи маж однел многу млада девојка која била во многу алкохолизирана состојба.
45-годишникот е уапсен во Австрија, а во јуни годинава бил екстрадиран во Хрватска и моментално е во затвор, пишува Далматински портал. Во своја одбрана тој не се обидел да негира дека имал секс со Британка.
Тој раскажал како му се претставила под лажно име и дека всушност таа инсистирала на секс. Тој нагласи дека не употребил никаква сила и дека Британката воопшто не била толку пијана. Тој изразил уверување дека немало да се случи целиот процес доколку не интервенирал пријателот на жртвата.
Жртвата тврдела дека била во Сплит со пет пријатели и дека во предметната вечер испила многу коктели со вотка. Таа признала дека поради консумирање многу алкохол не се сеќава на сѐ што се случило, но истакнала дека обвинетиот ја носел од клубот до местото каде што се случило силувањето.
Таа раскажа како обвинетиот се обидел да ја бакне по скалите, но таа го оттурнала. Додала дека потоа почнал да ги соблекува панталоните и дека ја притиснал на подот.
Таа изјавила дека некои луѓе потоа почнале да удираат по вратата, поради што обвинетиот застанал и побегнал. Рекла дека не му дала до знаење дека сака да има секс со него и дека не зборувала кохерентно бидејќи била во алкохолизирана состојба.
Далматински портал пишува дека биле прегледани и снимки од надзорните камери на кои се гледа како обвинетиот ја влече жртвата што се сопнува по улица.